TEZ-TEZ VERİLƏN SUALLAR

  • Bizim üstünlüklərimiz

    "Mənim üçün Sifariş Et" xidməti.
    Glob şirkəti bağlamaların poçt ilə Azərbaycanda istənilən ünvana çatdırılmasını həyata keçirir.
    Onlayn kuryer xidməti.
    Minimal çatdırılma tarifləri $1,30 dan başlayan qiymətlər.
    Sürətli çatdırılma xidməti.
    Operativ müştəri xidmətləri. 

  • Çatdırılma haqqı hansı üsulla hesablanır?
    Beynəlxalq Hava Nəqliyyatı Assosiasiyasının metrik standartlarına uyğun olaraq daşınan yüklərin çəkisi bağlamaların ölçülərindən asılı olaraq iki cür hesablana bilər:
    1. Fiziki çəki 
    2. Həcm çəkisi 
    Hər iki göstərici hesablanır hansı daha çox olarsa, daşınma haqqı o çəki əsasında hesablanır.
    Hər hansı bir uzunluq gösətiricisi 60 sm-dən artıq olan bağlamaların daşınma haqqı həm həcm çəkisi, həm də fiziki çəkisi hesablanacaq, hansı çəki göstəricisi daha çox olarsa, daşınma haqqı o çəki əsasında hesablanacaqdır.
    Hesablanma qaydasını nəzərinizə çatdırırq.
    En (sm) x Uzunluq (sm) x Hündürlük (sm)/6000 = Həcm çəkisi (kq)
  • Bağlamanın daşınma haqqının ödəmə üsulları

    Bağlamaların daşınma haqqı müştərinin istəyinə görə Glob.az saytından onlayn, ofisdə nağd və ya POS-terminal vasitəsi ilə həyata keçirilə bilər.

  • Daşınması qadağan olan məhsullar

    Daşınması qadağan olan məhsullar:

    • Dezodorantlar.

    • Mobil telefonlar.

    • Müxtəlif növ batareyalar, powerbank-lar.

    • Qida məhsulları.

    • Çılçıraq və çərçivə ( Qablaşdırılması düzgün olmadıqda )

    • Hər cür silah növləri, döyüş sursatı, hərbi təyinatlı hər cür əşyalar, partlayıcı maddələr, hərbi texnika.

    • Partlayıcı, tezalışan və ya digər təhlükəli maddələr, eləcə də radioaktiv maddələr və onların hazırlanması texnologiyasına aid materiallar.

    • Narkotik və psixotrop maddələr, onlardan istifadə üçün ləvazimat, həmçinin hazırlanması texnologiyasına aid materiallar.

    • Pornoqrafik əşyalar, əxlaq pozğunluğunu, zorakılığını, terrorizmi təbliğ və reklam edən materiallar.

    • Canlı heyvanlar.

    • Bitki və toxumlar.

    • Gizli kameralar, xüsusi məxfi rabitə vasitələri, onların şifrələri və istismarı haqqında ədəbiyyat.

    • Müdafiə, Milli Təhlükəsizlik və Daxili İşlər Nazirliklərinin operativ istintaq fəaliyyəti üzrə informasiya sistemləri, sənədləri və arxivləri.

    • Dövlət əhəmiyyətli sənədlər, ixtiralar, layihələr.

    • Zinyət əşyaları, qiymətli metallar və qiymətli daşlar.

    • Pul əskinasları, sikkələr.

    • Akkumulyatorlar.

    • Batareyalar.

    • Mühərriklər.

    • Hover Board skuterlər.

    • Maşın yağları və maşın yağının olduğu bütün mallar.

    • Hava nəqliyyatı vasitəsi ilə daşınması qadağan olunan əşyalar.

    • Azərbaycan Respublikasının ərazisinə idxalı qadağan olunan əşyalar.

    • Türkiyədən litium batareyalar və batareyalara sahib texnikalar.

    • Türkiyədən sənət əsərləri, müxtəlif  sənədlər.

  • 300 dollar limiti nədir?

    Azərbaycan Respublikasının qanunvericiliyinə əsasən 21 sentyabr 2020-ci il tarixindən etibarən fiziki şəxslər hər təqvim ayı ərzində ölkəyə ümumi dəyəri 300 ABŞ dolları ekvivalentindən artıq olmayan yük idxal edə bilər.
    Bağlamanın ümumi dəyəri 300 ABŞ dollarından çox olduqda qanunvericiliyə uyğun olaraq gömrük rüsumu ödənilir. 
    300 ABŞ dolları limitinə əşyanın öz dəyəri və saxlanılan bağlamanın daşınma haqqı daxildir.
    Bağlama təyin olunmuş limitin aşıldığı halda yalnız limiti keçmiş hissə üçün gömrük rüsumu hesablanacaqdır.
    Bağlamanın BCT-də saxlanılması zamanı ilk gün 15 AZN, sonrakı hər gün üçün 2 AZN (1 avro) saxlanma haqqı hesablanır.
    Xahiş edirik, sifariş verərkən diqqətli olun!

  • İzləmə nömrəsi ( "Tracking number") nədir?

    Bağlama onlayn mağazada tam qablaşdırıldıqdan sonra alıcıya çatdırılması üçün ölkə daxili kuryerlərə verilir. Kuryer xidməti öz növbəsində bağlamaya Tracking number ( İzləmə nömrəsi ) təyin edir.
    Bu nömrələr bağlamaların bəyan olunması üçün lazımdır. Bu nömrələr ölkə daxili kuryerlərdən fərqli olaraq fərqli adlandırılır. Bağlamanı izləmək üçün  UPS karqo “Tracking number”, Trendyol express “Gönderi numarası”, Yurtiçi karqo “Gönderi kodu”, Aras karqoda “Kargo takip numarası”, Trendyol express “Teslimat no”, PTT Kargo “barkod no”, MNG karqo “Fatura no”, Sürat Kargo “seri numarası” və s. təqdim edir.
    Tracking number (izləmə nömrəsi) bağlamanın kuryerin anbarından təyinat məntəqəsinə çatdırılanadək mövqeyini izləməyə imkan yaradır.
    İzləmə nömrəsi (Tracking number) hər bağlama üçün ayrı-ayrılıqda verilir, fərqli olur və təkrarlanmır. 
    Bağlamanız daşıyıcı şirkətin anbarına çatdırılanadək yükün mövqeyini daxili kuryer xidmətinin səhifəsində izləyə bilərsiniz.

  • Türkiyə anbarının iş saatları

    Xarici anbarın iş qrafiki aşağıdakı kimidir:

    Türkiyə anbarı:
    Bazar ertəsi – Cümə:     9:00 – 18:00
    Şənbə:                          9:00 – 13:00
    Bazar:                         Qeyri-iş günü

  • Bəyənnamə nədir? Necə doldurulur?

    Gecikmələrin yaranmaması və bağlama hesabında əks olunması üçün müştəri şəxsi hesabına daxil olaraq, sifarişi haqqında məlumatı əvvəlcədən bəyan etməlidir. Bəyənnamə - müştərinin sifariş etdiyi bağlama haqqında yük xarici anbara daxil olmazdan ƏVVƏL Glob.az şəxsi hesabında  “BƏYAN  ET” bölməsində məlumat verməsidir. Sifariş haqqında məlumat bağlama xarici anbarlara ÇATDIRILMAMIŞDAN əvvəl qeyd olunmalıdır. Yükün bəyan edilməsi yalnız bağlama satıcı tərəfindən kuryerə verildikdən və izləmə nömrəsi (Tracking number,Teslimat no,Gönderi numarası, Kargo takip numarası, Barkod no, MNG kargoda Fatura No) təqdim edildikdən sonra mümkündür. Bağlama “sipariş numarası” ilə bəyan oluna bilməz. Bəyənnamədə bağlamanın izləmə nömrəsi( izləmə nömrəsi bölməsinə bu nömrələrdən birini yazmaq olar: “Tracking number”, "Teslimat no", “Gönderi numarası”, Kargo takip numarası, Barkod no)  mağaza adı, məhsulun kategoriyası qeyd edilir və satıcı tərəfindən təqdim edilmiş invoys sənədi (fatura) əlavə edilir.

    İstisnalar:

    Nadir hallarda satıcılar müştərinin bağlamasını izləmə nömrəsi (tracking number) təyin etmədən göndərir. Bu halda yalnız bağlama anbara daxil olduqdan sonra bəyannamə doldurulmalıdır.

    Məlumatların düzgün qeyd edilməsi bağlamanın vaxtında çatdırılmasının ilkin şərtidir.

    Bağlamanın düzgün bəyan olunması qaydası ilə və bəyannamə ilə bağlı bütün suallarınıza video təlimatda cavab tapa bilərsiniz.
    ---

  • Sifarişim neçə gün ərzində çatdırılır?

    Bağlamaların çatdırılma müddəti məhsul xarici anbarımıza daxil olduğu vaxtdan hesablanır. Türkiyədən yüklərin göndərişi həftədə 2 dəfə həyata keçirilir. Bağlamanız anbarımıza daxil olduqdan sonra 5 iş günü ərzində Azərbaycana çatdırılır.

  • Necə işləyir?


    Glob.az - da qeydiyyatdan keçin

    Qeydiyyatdan keçməklə Türkiyədə xarici ünvana sahib olacaqsınız və hesabınızda ünvan qeyd olunacaq.

     

    Sifarişi ünvana göndərin

    Onlayn mağazalardan alış-veriş edərkən bağlamanızın çatdırılacağı ünvan hissəsinə saytımızda qeyd edilən ünvanı yazın və ödəniş edib sifarişinizi tamamlayın.

     

    Bağlamanızı təhvil alın

    Anbarımıza təhvil verilmiş məhsulu 3-5 iş günü ərzində Azərbaycana çatdırırıq.

  • Ünvan və iş saatlarımız

    Azadlıq filialı ünvan: Bakı şəhəri. Binəqədi rayonu, Süleyman Sani Axundov küçəsi 1A (Kəmalə Nərmin şadlıq sarayının yanı)

    Yeni Yasamal filialı ünvan: Bakı şəhəri. Yasamal rayonu, Dadaş Bünyadzadə və Talıblı küçəsinin kəsişməsi (Azza şiriniyyat evinin yanı)

     

    İş saatları:
    Müştəri xidmətləri və Mənim üçün Sifariş Et xidməti:

    Müştəri xidmətləri - Bazar ertəsi - Şənbə:         10:00 - 19:00
    Anbar - Bazar ertəsi - Şənbə:                            10:00 - 21:00

  • “Sifariş et” xidmətinin qaydaları
    • Bəzi internet mağazalar məhsullarının ölkədən ixrac olunmasının qarşısını almaq üçün məhsullarını xarici ölkələrə göndərmir və beynalxalq kartlarla olan ödənişləri qəbul etmirlər. Bu əsasən Türkiyə və ABŞ-da bəzi mağazalara aiddir.
    • Glob.az yükdaşıma şirkəti olaraq müştərilərimizin rahatçılığını düşünərək, sizlərə “Sifariş et” xidmətini istifadənizə verdik. Hazırda “Sifariş et” xidməti ilə hazırda yalnız Türkiyədən olan sifarişlər qəbul olunur.
    • “Sifariş et” bölməsindən istifadə etmək üçün :

    1. Glob.az şəxsi hesabınızda “Sifariş et” bölməsinə daxil olun;

    2. Seçdiyiniz  məhsulun linkini saytımızda “Məhsulun URL-i”  xanasına  yerləşdirin;

    3.  Digər xanalarda məhsulun məlumatlarını qeyd edin;

    4. “Məhsulun qiyməti” xanasında məhsulun dəyərini müvaffiq ölkənin valyutasına əsasən (TL və ya USD) qeyd edin;

    5. Ölkədaxili “kargo” ödənişli və ya ödənişsiz olduğunu qeyd edin;

    6. Yeni link əlavə etmək üçün (+) düyməsinə klik edərək yeni məhsulun linkini əlavə edə bilərsiniz.

    7. İstifadəçi qaydaları ilə razılaşdığınız təqdirdə “sifariş et” düyməsinə klik edib və ödənişi tamamlayın.

    8. Sifarişlərinizi ödədikdən sonra “ödənildi” statusunda olan  sifarişlər qısa zaman ərzində əməkdaşlarımız tərəfindən təsdiq olunur.

    9. Alış tamamlandıqdan sonra elektron poçt ünvanınıza bildiriş göndərilir.

    • Qeyd : “Sifariş et” xidmətinə məhsulun dəyərindən əlavə 5% komissiya tətbiq olunur.
    • Şirkətimiz sifarişçinin sifariş etdiyi onlayn mağazanın etibarlılığı ilə bağlı heç bir məsuliyyət daşımır.
    • Ödəniş, sifariş olunan xarici ölkənin valyutası ilə aparılır, əlavə bank komissiyalarına görə şirkət heç bir məsuliyyət daşımır.
    • İstehsalçının səhvinə, satıcı firmanın göndərdiyi məhsulun keyfiyyətinə, tamlığına, tərkibinə, ölçü və formasına, satış anbarında tükənməsinə görə və ya sifarişin satıcı tərəfindən ləğv olunmasına görə məsuliyyət daşımır.
    • Sifariş olunmuş məhsulun ödənişi hər hansı səbəbdən geri qaytarılarsa, 5% komissiya geri qaytarılmır.
    • Ödənişlərin karta geri qaytarılması 15 iş günü müddətində icra olunur, bəzi hallarda bu müddətə bir neçə gün banklardan asılı olaraq əlavə ola bilər
  • "Mənim üçün Sifariş Et" xidmətinin detalları nədir?

    Bu, Türkiyədən istənilən məhsulun alınmasına xidmət edən kompleks servis xidmətidir. Bu tip sifariş zamanı biz sizin adınızdan Türkiyə internet-mağazasından sifariş edirik.  Satıcı ilə bütün müvafiq tədbir və danışıqları aparırıq. Bu halda bizim komissiyamız ümumi məhsulun dəyərinin 5% təşkil edəcək, Azərbaycana daşınma xidmət haqqı bu məbləğə daxil deyil.

    Xidmətimizdən istifadə ilə bağlı tam məlumatı bu linkdən əldə edə bilərsiniz:

    ----

  • Onlayn kuryer sifarişi

    “Onlayn kuryer” xidməti vasitəsilə Bakı anbarımıza daxil olan bağlamaların birbaşa evinizə çatdırılmasını həyata keçiririk. Ofisə gəlmədən onlayn kuryer sifarişi ilə rahatlıqla bağlamalarınızı əldə edin.⁣⁣

    Kuryer sifarişini Glob.az saytına daxil olaraq onlayn formada həyata keçirə bilərsiniz. Bunun üçün Glob.az saytında hesabınıza daxil olun, ”Kuryer sifarişi” bölməsinə keçid edərək “Yeni sifariş” düyməsinə klikləyin, açılan pəncərədə çatdırılmasını istədiyiniz bağlamaları seçib ”Şəhər, nişangah, ünvan, telefon, çatdırılma tarixi” bölmələrini dolduraraq “Yadda saxla” düyməsinə klikləyin.⁣⁣

    Bağlamalarınızı 24 saat ərzində təhvil alacaqsınız. Kuryer haqqı sifariş zamanı hesabınızda əks olunacaqdır. Bağlamaların daşınma haqqını və kuryer ödənişini istəyinizə görə onlayn və ya nağd şəkildə ödəyə bilərsiniz.

  • Bütün bölgələrə poçtla çatdırılma xidməti

    Onlayn alış-veriş hər kəsin haqqıdır. Buna görə də Azərbaycanın hansı bölgəsində olmağınızdan asılı olmayaraq bağlamalarınızı sizə çatdırırıq. Bildirək ki, poçt çatdırılması üçün sifariş bağlama Bakı ofisində olan zaman qəbul edilir.
    Bağlamanızın poçtla göndərişini sifariş etmək üçün, daşınma haqqı və poçt ödənişi öncədən ödənilməlidir. ( “Daşınma balansı ” bölməsindən artıra bilərsiniz ). Bağlamalar dövlət poçtu ilə göndərilir və nəzərinizə çatdırırıq ki, poçt tariflərini dövlət poçtunun özü təyin edir. 1 kq üçün ödəniş 3 AZN-dir. Balansınızda ən az 5 AZN vəsait olmalıdır. Daşınma haqqı ödənilməli müştərinin hər hansı bir borcu olmamalıdır. Biz poçtla çatdırılma üçün Sizin balansınızdan yalnız dövlət poçtunun təyin etdiyini məbləği silirik. Artıq məbləğ balansınızda qalır. Poçtun çatdırılma müddəti, rayondan aslı olaraq 1-5 iş günü təşkil edir. Yuxarıda yazılan şərtlər tamamlandıqdan sonra bağlamanızın poçtla çatdırılması üçün zəhmət olmasa, müştəri kodunu, ad, soyad, rayon, poçt indeksi, təhvil alacaq şəxsin adını və əlaqə nömrəsini bizə təqdim etmək lazımdır.
    Poçt sifarişi etmək üçün bizə sosial şəbəkələr,  e-mail vasitəsilə yaza və ya 050 833 9010 nömrəsi ilə əlaqə saxlaya bilərsiniz.⁣

  • Başqa bir şəxs Sizin bağlamanı necə təhvil ala bilər?

    Əgər Siz öz hesabınızda Bakı ofismizdə olan bağlama(lar)ınızı yaxınlaşıb, təhvil ala bilmirisinizsə, bu zaman başqa bir şəxsə Sizin adınıza bağlamanı təhvil alması üçün etibarnamə verə bilərsiniz. Bunun üçün Siz saytımızda hesabınıza daxil olub, şəxsi hesabda "Etibarnamələr" bölməsindən bağlamanı təhvil almasını istədiyiniz şəxsin şəxsiyyət vəsiqəsində olan məlumatları daxil edib, ona etibarnamə verə bilərsiniz. Etibarnamə verdiyiniz şəxs Sizin müştəri kodu və öz şəxsiyyət vəsiqəsi ilə yaxınlaşıb, bağlamanı təhvil ala bilər. Etibarnamə verməkdə say limiti yoxdur. Siz istənilən qədər etibarnamə əlavə edə bilərsiniz.









Daxil ol

Zəng sifarişi

Şifrənin bərpası